Hona Antton Lannes, Marina Tellechea eta Haitz Aldana!

Bideo dokumental bat egiteko proiektua dute Québec-en, Estatu batuetan, Argentinan eta Venezuelan euskaldun gazteeri buruz. Orotara lau hilabeteko bidaia egiten ari dira. Québec-en hiru aste pasatzeko erabakia hartu dute. Otsailaren 15 ean iritsi dira eta marxoaren 7 an doaz San Francisco-ra.

Haiekin elgarrizketa bat egin dut Québec hirian martxoaren 23 an, larunbatez. Hona Euskonews gazteak argitaratutako artikulua neri buruz haiek niri eginako elkarrizketarekin: http://gaztea.euskonews.com/0431zbk/elkar431a.html

Eta hona nik haiei egindako elgarrizketa:
1) Zergatik aukeratu duzue Québec eskualdea zuen proiektua burura eramateko?
Quebec eskualdera hurbiltzean aukera zen han dagoen euskal komunitate ttipia nola bizi den ikustea. Hala nola Ipar Ameriketako euskaldunak aipatzen direlarik Estatu Batuekoei maiz pentsatzen dugu. Alta, Quebecera joan ziren lehen arbasoak eta haruntz migrazioak segitu du belaunaldi ezberdinetan eta gaur egun ere.
Egia da klimak bizia ez duela erresten baina han dira oraindik ehunka euskaldun arrazoi eta adin ezberdinekin.
Bestalde, gure espedizioaren orokortasunean ikusiz, aberastasun bat zen Iparretik Hegora Amerika zeharkatzea.

2) Québec gustuko duzue?
Bai, Quebec gustuko dugu baina hiru aste nahikoak dira sasoi honetan, jajaja!!! Eskualdea zabala da, paisaiak aberatsak, mendiak, lakuak, ... Jendea biziki sanoa, beti laguntzeko prest.
Eta bitxi egiten du frantses eta ingeles kulturen nahasketak eta jatorduekin zailtasunak ditugu hiru aste pasa ondotik.

3) Zein dira zuen lehen inpresioak Québec-eko euskal komunitateari buruz?
Oso sakabanatua da, Montrealen bertan ere nahiz eta euskal elkartea hor den komunitatea dinamizatzeko. Ikusitako jendea oso ezberdina da eta ez genituzke talde bezala aztertzen ahal. Antolakuntza faltak ez du erresten haien arteko komunikazioa, hala ere pertsona bakoitzak bere maneraz Eusklherrairekiko lotura atxiki du.

4) Pentsatu ez zenituzten zailtasunik ezagutu al duzue orain arte?
Ez berezirik, dena ongi pasa da orain arte jakinez jende askok lagundu gaituela bai komunikatzeko mailan eta baita ere harrera mailan.

5) Zer egiteko asmoa duzue Estatu Batuetara joan aintzin azken astatzekoe hortan?
Quebecen pasako dugun azken aste honetan euskal etxeko jendearekin afari bat daukagu, zonbait pertsona ere galdezkatuko ditugu Ottawa inguruan eta paisaia, irudi hartzeak gelditzen zaizkigu dokumentala dinamizatzeko.

Antton, Marina eta Haitz en blogean segi dezakezue haien bidaia.

Heldu den martxoaren 16 ean, Québec eko euskal etxeak, Aberri Eguna ospatuko du Montrealen. Egun hori, bertako euskaldunak elgartzeko aukera izango da baina baita ere euskal kultura multikulturalismoarentzat ezagutua den hiri hortan. ezagutarazteko modu ezinobea.

Arratsaldeko batetik goiti, mahain desberdinek hainbat gai aipatuko dituzte : Eskulangile batzuek haien lana aurkeztuko dute, laban egile, euskal arropa zuri josle batek bezala.
Euskal etxeko erakasle berriak, Oneka Alvares-ek, euskara, hizkuntza aurkeztuko du. Elkarteko beste kide aktibo batzuk, Euskal Herriko kirolak, eta sukaldaritza ezagutaraziko dituzte.
Giroa hobetzeko, musika, mus txapelketa, zozketa bat, soka tira, euskal dantzak eta haurrentzat jokoak proposatuak izanen dira.

Arratsaldeko bostetan izanen da afaria toki berdinean, erran nahi baita 4215 Adam kalean, elizaren azpiko gelan.
Martxoaren 8-a arte izena eman dezakezue 514 323 6690 edo 514 254 2387 zenbakietara edo e-mail bat bidali euskaldunak_quebec@yahoo.ca helbide elektronikora.

Horrez gain, Québec eko euskaldunen web-gunea berriz egina izan da! Victor Piron-i esker, usu berritua da Montrealeko Euskal komunitatean gertatzen den guztia jakinarazteko: http://www.euskaldunakquebec.com/

Ni ere han izanen naiz eta egun horren berri emanen dizuet