Kaixo lagunok,

ingurumenaren astea, garapen jasankorra, muduaren beroketa ... Hainbat data ospatzeko, hainbat hitz potoloz ahoak betetzeko. Ala ere, eguneroko bizitzara etortzen bagara, politikaren errealitatera, hau da, demokrazia delakoa praktikan jartzeko orduan, gauza beste bat izaten da, Brasilen dioten bezala: zuloa beste toki batean dago.

AHT-ren (Abiadura Handiko Trena) kasua gizartearen interes desberdinak nola kudeatu beharko lirateken adibide on bat izateko aukera ezin hobea zen. Alde desberdinek hitzegiteko guneak aurkitu, informazioa zabaldu eta eztabaidatu, kontsentsu batera heldu ... a zer pena! Beste behin ere gure klase politikoaren jokabidea guzti horretatik urrun gelditu da. Zerbitzari publikoen jarrera, tristeki, betikoa izan da: gor, itsu eta mutua.

AHT-renLanak hasi dira, gizartearen zati bati etzaio orain irtenbide handirik gelditzen erresistentzia zibilaren bide desberdinak ezbadira.

Historio hau ikusi dugu askotan eta zihur aski ikusiko dugu gehiagotan ere. Hitz potoloen gainetik eguneroko bizitzan ingurumenari eta delako demokraziari zor zaion errespetua praktikan jartzeko beste aukera galdu bat.

Besarkada goibel bat eta aste bukaera ona izan,

Estebe

http://es.youtube.com/watch?v=bqFOfvL6_KA

Iñaki Otxoa de Oltza Annapurnan hil zen joan den maiatzean.

Azken urteeetan goi-mendizaleen arteko konpetitibitatea, kirolarien arteko grina eta gehikerien berriak bakarrik heltzen zaizkigu.

Iñakiren historiak ala ere adiskidetasun eta elkartasunaz hitzegiten digu.

Nahiz eta tragedia honen bukaera goibela izan, hor gelditzen da bizitza ikasbide bat denontzat.

"El Pais" aldizkarian Oscar Gogórzak idatzitako erreportaia paregabean historia honen berri ematen du.

Iñaki goian bedi!

Sustatu.com gunean ikusia: "Hitanoaren erabilpen desegokia saiheste aldera, aukera aitzindari bat aipatu ahal dugu: femeninoa era maskulinoaren atzizkiak elkartzea", proposatzen du Emakunderen liburu berriak, Euskararen Erabilera Ez Sexista delakoak (sarean dago eskuragarri). Adibidez, "Bestela, amaitu ondoren jasoko dunk fruiturik lehorrena".

Zergatik litzateke hitanoaren erabilera sexista? Arrak eta emeak desberdintzea litzateke errua?

Nire ustez hizkuntza bera ez da sexista guk egiten dugun erabilera baizik!

zein da zure iritzia?

informazio gehiago:

http://www.emakunde.es/images/upload/lenguaje_e.pdf

http://www.emakunde.es/images/upload/EuskGida_eu.pdf

http://www.berria.info/blogak/lertxundi/index.php?blog=14&title=sexu_biribilguneak&more=1&c=1&tb=1&pb=1

Aste bukaera ona izan!

Estebe

40 urte pasa dira 1968ko maiatzetik eta denbora horretan gertatutakoei buruz hainbat historia eta mito nahastu dira. Historia ofizialak ikasleen festa handi bat bezala erakusten du gertatutakoa, bestalde mugimendua zabalagoa zela eta Parisen bakarrik etzela gertatu ere badakigu. Zer gertatu zen benetan 1968ko maiatz hartan? Zer geratu zaigu udaberri hartatik?

Argiak, dokumental labur honetan bildu ditu urte hartan Parisen ikasle ziren hiru pertsonaren testigantzak.

Eta zuk zer diozu?

Besarkada bat

Estebe

Gabon lagunoK,

Bergarako Udalaren artxiboa sarean dago. XIII. mendetik gaur egunerarteko 60.000 erregistrotik gora kontsulta daitezke, merezi du pena bisitatxo bat.

http://bergarakoartxiboa.net/

Munduan zehar gabiltzon euskaldunoi mila aldiz egiten diguten galdera da ea euskara "nondik" datorren. Hasiera batean, nire erantzuna, euskararen etorkizuna jatorria baino garrantzitsuagoa zela izaten zen. Gaur egun ordea, euskararen jatorriak sortzen duen jakimina orokorki gure kulturarekiko jakimina suspertzeko erabiltzen dut, eta bestalde, nola begiratu etorkizunari jatorrian sustraitu gabe?

Maiatzaren 17an egingo da Euskaren jatorriaren III. Biltzarra Oka-Iruñan.

Oka-Iruñako idazkunez gain beste zenbait gai landuko dira. Josu Naberan euskara sortzeko gure arbasoek erabili zituzten erroez arituko da, gutxien ezagutzen direnei tarte gehiago eskainiz. Naberanek idatzitako Hitzen Koba liburuan, Bittor Kapanagak orain 40 urte zabaldu zuen teorian sakondu eta ildo berri asko ireki ditu. Bere ustean, ere, euskaran iberiar, mediterraniar eta piriniar erroak daude elkartuta, baina Kapanagaren lanaren haratago doa erro gehiago proposatuz eta berauek sakonago aztertuz.

Ondoren Alfontso Martinez Lizarduikoak hizkuntzen bilakaerak ulertzeko gaur egun dauden ikerketak sakonki aztertuko ditu. Euskaldunen migrazioek Europa osora zabaldu zuten protoeuskara aztertuko du, disziplinarteko ikerketak erabiliz: populazioen genetika, paleohizkuntzalaritza, paleontropologia, etab.

Arratsaldean, indusketak bisitatuko dira eta, ondoren, euskararen zazpi erroei buruzko mahai ingurua izango da, aurreko biltzarretan parte hartu duten adituek bideratuta: Kapanaga, Segurola, Arnaiz, Nabera, Mendizabal... Helburua, apurka-apurka euskararen hiztegi etimologikoa osatzea da, dauden teoria eta proposamen guztiak elkartuta eta alderatuta.

Jendeak parte hartzeko aukera ere izango du arratsaldean, Komunikazioen atalean. Gaia, noski, euskararen jatorriari buruzkoa. Horrez gain, goizeko hiru hitzaldi eta arratsaldeko mahai inguruan ere parte hartze zabala espero da.

Batzar honetaz eta aurrekoetaz informazio gehiago lortzeko jo http://www.euskararenjatorria.eu/ internet gunera.

Estebe