Document Actions

Neolitoa

K. a. 4000. urtetik K. a. 2500. urtera luzatzen den garaia.
Garai honetako aldaketa iraultzaileak K. a. 5000. urtetik aurrera gertatu ziren. Mediterranear isurialdeak samur bereganatu zituen nekazaritzarekin eta kobazulotik kanpoko egoneko habitatekin lotutako aldaketa neolitikoak; alde atlantikoan, ordea, lehengo usadioei eutsi zieten eta kobazuloetan bizitzen jarraitu, abeltzaintzan gehiago jarduteaz gainera.

Arabako lurraldeko aurkikuntza materialek agerian uzten dutenez, gauzen, kulturaren eta, seguru asko, bizilagunen joan-etorri bizia zegoen Ebro ibaian gora, hau da, Neolitoaren sarbidetzat jotzen den inguruan.

Usadio ekonomiko berrien eta beste giza talde batzuen etorrerak penintsulako beste eskualde batzuetan baino nahastura handiagoa ekarri zuen. Hala, bertako komunitateek interesgarriak iruditzen zitzaizkien berrikuntzak eurenganatu zituzten, baina beti ere bertako oinarri sozialari eutsiz.


Document Actions
http://www.euskosare.org/euskal_herria/aurkezpena_eh/historia/historiaurre/neolitoa/eks_structuredocument_view