Nola sor daiteke komunitate berri bat EuskoSaren?

Munduko Euskal Komunitateko kideei zuzenduta egongo den edozein komunitate birtual sortzeko irekita dago EuskoSare.

EuskoSare barnean kultura, heziketa, gizartea, ekonomia edota kirolari lotutako komunitate birtual berri bat sortzeko proposamena egin nahi duenak honako urrats hauek eman behar ditu:

1 - EuskoSaren erregistratu (oraindik erregistratuta ez bazaude).

2 – Proposamen bat igorri (Harremanak ataleko galdetegiaren bidez) honako datu hauekin:
-Sortzeko proposatzen duzun komunitatearen deskribapena (xedea, gaiak, hartzaileak, etab.)
-Ze lotura duzu sortzeko proposatzen duzun komunitatearen gaiarekin?
-Komunitatearen izenerako proposamen bat
-Zein izango lirateke komunitate berriaren hizkuntza ofizialak?
-Komunitate berri horretako gidari izan zaitezke? Horrela izan ezean, gidari izan daitekeen edota gidari izateko prest dagoen norbaiten izena proposa dezakezu?
-Proposatutako hizkuntza ofizial guztietan gidatu dezakezu zerrenda?
-Lehenagotik esistitzen den komunitate bateko kideei zuzenduta al dago komunitate birtual hau? Zein?
-Komunitate honetan parte hartu nahikoko luketenak ezagutzen dituzu? Zenbat?
-Ze aplikazio teknologiko interaktibo proposatzen dituzu komunitate berriaren hasierarako (posta elektronikoen zerrenda, foroak edota bestelakoak)?
-EuskoSare Komunitatearen Arauak irakurri dituzu? Eta ados zaude?

Proposamena jasotakoan EuskoSareko lantaldeko kideak zurekin harremanetan jarriko dira ahal bezain laster.

Proposamena egiteak ez du adierazten derrigorrez bete egingo dela, arrazoi teknologikoak kasu batzuetan eragozpenizan daitezkeelako. Hala eta guztiz ere, EuskoSareko kideek ahalegina egingo dute proposamena errealitate bideratzeko, betiere aukera teknologiko eta logistikoen baitan eta EuskoSare Komunitatearen Arauen barruan.